Azərbaycan Elm Fondunun 2-ci Azərbaycan-Türkiyə (“AzTürk-2”) birgə beynəlxalq qrant müsabiqəsinin (AEF/BQM/Az_Türk-2/2021-3(40)) qalib layihəsi: AEF/BQM/Az_Türk-2/2021-3(40)-01/01/3-M-01
Ənənəvi üsul: FDG PET/KT müayinəsi
Süd vəzi xərşənginin ilkin diaqnostikası və yenidən mərhələləndrilmə, eləcə də, müalicəyə cavabın və ya resdiv hallarının dəyərləndirilməsi üçün mammoqrafiya, ultrasəs müayinəsi, maqnit rezonans tomoqrafiya və pozitron emissiya tomoqrafiyası-kompüter tomoqrafiyası (PET/KT) kimi bir sıra müayinə metodları mövcuddur.
Pozitron emissiya tomoqrafiya-kompüter tomoqrafiya (PET/KT) müayinəsi onkoloji, kardioloji və nevroloji patologiyaların aşkarlanmasında tibbi görüntüləmə metodları arasında aparıcı mövqe tutur.
Hüceyrələr tərəfindən qlükozanın adsorbsiyasına əsaslanan görüntüləmə üsulu olan 18F-fluorodeoksiqlükoza (FDG) PET/KT süd vəzi xərçənginin erkən diaqnostika və yenidən mərhələləndirilmə, müalicəyə cavab və proqnozlaşdırma baxımından qiymətləndirilməsində əhəmiyyətli yerə sahibdir. Lakin, 1 sm-dən kiçik süd vəzi şişlərində, mikro-metastazlarda həmçinin aşağı dərəcəli in-situ və paycıq karsinomaları kimi süd vəzi xərçəngi növlərində 18FDG PET/KT-nin həssaslığı azdır.